مـــــره واحد " سلفى " ....

مــــره فى يوم من الايام ...

موقف حصل معايا استفزنى وخلانى اكتب واقوله .. تبدأ الحكايه لما يجيلى مينشن على تويتر من واحد صحبى يقولى " روح الكليه .. النتيجه طلعت " طبعا عرفت الخبر قومت لابس ونــازل عشان اروح اشووف النتيجه .. بوست ايد امى وخليتها تدعيلى ونزلت .. ركبت المشروع ونزلت محطه مصر . ركبت جمبى واحده معاها طفل فى حدود 6 سنين .ام هند كان ورايا راجل " ملحتى " شكله يعنى من الشيووخ . وشايل فى ايده شنطـه شبه " شنطه اللاب توب " المشروع طلع بينا . والسواق… الاجره يا جماعه . انا لميت الاجره من الناس اللى ورايا . اول حاجه الراجل اللى ورايا مرضاش يدينى انا الاجره بتاعته وادها للوليه اللى جمبى . طبعا استغربت ازاى بكس امه مربى دقنه ويحط ايده فى ايد الحريم عشان يديها الاجره ..؟؟ .. مشغلتش دماغى وقولت يااض وانتا مالك . بعد ما بعت الاجره حسيت بالراجل اللى ورايا انى محمل عليه روحت طالع بضهرى لقدام عشان يعنى مكنش مزاوله .. قولتله مريح عليك قالى يعنى .والوليه اللى جمبى حطت الواد ابنها بينى وبينها " قولت فى عقل بالى . هى ممكن تكون انسانه محترمه وعشان مش فى مطبط تخبط فيا .. قومت منزاح لابنها وخدته جمبى . يوصل بيا المشروع لنفق قناه السويس ." محرم بك " . .الراجل اللى ورايا ساعتها حسيت بالشنطه بقت فى افايا .. اتخنقت فببص جمبى فى الازاز . لقيت ايد الشيخ بتتحرك . بصيت كده ورايا لقيته عامل نفسه من بنها . ماهو مركز فى اللى بيعمله .. قولت اتأكد تانى بصيت فى الازاز تانى لقيت ايده طالعه نازله .. آحـــــا ده شيخ . ازاى بيعمل كده ؟؟ وشكله محترم ؟ لاء مش معقول . عديت بينى وبين نفسى لتلاته .. واحــد .. اتنين .. وانا بقول تلاته كنت لفيت وضربت الشنطه بأيدى . واشوووف العجب .. الشيخ حاطط ايده على بز "صـدر " الوليه اللى جمبى .. قام شايل ايده بسرعه وقالى " افتح الازاز اللى جمبك شويه " .؟ شخرتله شخــره سمعت المشروع كله .. قولتله آحــا يا ازاز ؟؟ فكك يا شيخ من اللى انتا فيه ده ؟ انتا ايدك كانت فين دلوقتى ؟ اتخرص .. قولتله بكس امك مربى دقنك دى ليه ؟ احلقها بدل ما انتا وامثالك خلوا الناس كلها تسب 30 دين للشيوخ ..  ولسه هو ساكت ووشه جاب الوان .قولتله "صــوم وانتا تحفظ فرجك " ..  ما هو العيب مش عنده ؟. العيب على بنت الوسخه اللى ساكته وجابت ابنها جمبى عشان يدارى عليها .. وانا بقول كده قام شاب من سنى راكب قدامى لفلى وقالى " مش هى ساكته .. يبقى اكيد هو كان مكيفها " .. صح اكيد كان مكيفها
وفضلنا نقسم عليهم انا وهو … السواق بيقولى فى ايه يا صحبى .. قولتله على اللى فيها وفضل يضحك . حقــه يضحك موقف مش بيحصل كل يوم .. قام واحد قاله على جمب يا اسطى ونزلت انا عشان انزله .. لشيخ مرضاش ينزل الراجل نزل من جمبه وبعد كده الشيخ قعد مكان الراجل ورا خالص .. وقدرت ابعد الشيخ عن الانثى اللى هاجت بأيده  …..

وروحت الكليه والحمد لله نجحت بعد موقف خلانى اضحك ضحك التنين :D

ممكن حد يقولى " ليه كده حرام عليك " اللى ساتره ربنا متفضحهوش انتا ... اقوله صح والواحد بيشوف حاجات زى دى ياما وبيسكت . انما لما تحصل من راجل مدعى التدين وبيشوه صوره الشيوخ كلها . يبقى لازم اتكلم . موقف بصراحه ينرفز ازاى تكون كده وبتعمل كده ؟؟ ....

فـــوت علـــيــنا بـــكـــرة .... تدوينة طويلة لكن مؤثرة

عدد مرات ذهابي الي القاهرة هو 8 مرات لا أكثر ولا أقل و أتمني ألا يزيد عن ذلك

حتقولي ليه..حقولك ان عمري ما رحت القاهرة من غير ما يكون يوم ابن وسخة و يطلع عين أمي هناك بسبب أو بدون سبب !

طبعآ اي واحد مش من القاهرة بيقرا الكلام ده حيعرف المعاناة اللي اسمها كايرو بس انا معاناتي بتكون دوبل

بغض النظر عن الجو الحر و الزحمة و المعاملة البضان و التوهان و الوصفات اللي مش بتوصل و بغض النظر عن إني لازم اتفتش من عسكري او امين شرطة او يتلبسلي تهمة في كل حتة انزلها .

انا ححكي و بإختصار برضه عشان متزهقوش قصة رحلة الي كايرو كانت لمدة يوم واحد رايح جي

يوم اخترعوه للروتين..عشان الكلية بتاعتي مفيهاش ختم النسر فلازم اروح اختمها من فرع القاهرة شوف حكمة ربنا !

بالتالي اتفقت (للآسف) انا و مجموعة من الناس ان احنا نأجر ميكروباظ ياخدنا رايح جي يخلصلنا مشاوير الاختام و الشهادة المؤقتة و الكعبلة دي كلها عشان اروح اقدم ورقي في الجيش يعني من نيكة لنيكة  أخري

كان الميكروباص مليئآ بالبنات السخيفة اللي بيحبوا الأغاني الشعبي و المهرجانات و الصوت العالي و الأحبنة الفارغة بس ما علينا وصلنا القاهرة بعد معاناة و سب أديان من الصباح الباكر..

رحت الكلية عشان اطلع الشهادة المؤقتة قالولي سلم ملفك و روح ادفع اربعين جنيه تاخد الوصل تستلم الشهادة

روحت دفعت الاربعين جنيه رجعت لقيت الشهادة بتاعتي مع واحد صاحبي و ياريتني ما دفعت عشان دول حرامية ولاد وسخة أساسا بدفع ألوفات في الكلية و مشوفتش فيها حاجة عدلة او حتة ماكينة شغالة مع انها كلية عملية

ما علينا..رحت و خلصت و انا مستعجل عشان لو جت الساعة اتنين مش حلحق اختم الشهادة في وزارة التعليم العالي اللي في المطرية ..طبعا انا و كل الشباب اللي معانا مستعجلين عشان منلبسش أسود في الجيش و بقيت الحريم ملهومش جيش و مع ذلك أخرونا عشان قال ايه عايزين يعملوا ماجيستير..أحا يا ماجيستير مافيهوش راجل خلونا نستني من الساعة 11 لحد الساعة 2 الظهر و مكانش لسة ورقهم خلص رحنا واخدين الميكروباص و طالعين عالوزارة عشان نختم ورقنا بعد ما كننا بعتنا الشهادات مع صاحبنا يختمها و قالوله : لا يا حبيبي كل طالب ييجي تتختمله شهادته قدام عينيه مينفعش نختملك 15 شهادة مع بعض

كنت فاكر ان سواق العربية يعرف السكة زي ما قالوا...كنت فاكر الناس اللي معانا تعرف السكة زي ما قالوا..بس اكتشفت ان السواق من كفر الدوار و الوحيد اللي من القاهرة مراحش هناك غير مرة واحدة كانت من نص ساعة و نسي السكة

نزلنا من الميكروباص نسأل الناس في الشوارع و سبحان الله كننا ماشيين اسرع منه و طبعا كل واحد يوصفلنا وصفة غير التانية و احنا برضه عمالين نسأل و ماشيين زي ماحنا مستعملناش ولا وصفة من كل دول ..حتقولي ليه حقولك معرفش !

المهم بعد معاناة..وصلنا عند الوزارة اللي الناس بتعلمها بالقهوة اللي جنبها !

لقيت الناس عمالة تبصلنا بخيبة أمل في الشارع و يقولوا : حتختموا الشهادات؟؟ لا خلاص قفلوا .....بصيت في الساعة لقيتها 3 و خمسة....طب دول بيقفلوا امتي ؟؟ قالولي بيقفلوا 3..خلاص مجاتش علي خمس دقايق يعني يللا ناخدها جري

درجن..درجن...درجن - مكانش فيه حصان بس كننا 15 شاب و لبوة فده صوت الرجلين الكتير- وصلنا لقينا الباب الحديد مقفول و موظف بيقولنا : خلاص خلاص فوتوا علينا بكرة !

طبعا اتكلمنا بكل أدب : لو سمحت احنا جايين من اسكندرية 15 نفر و معانا بنات حضرتك مش حتخسر حاجة لو ختمتلنا الورق بدل ما نكون جينا كل ده عالفاضي و نرجع اسكندرية و نيجي القاهرة تاني بكرة احنا عندنا جيش و مش عايزين نتأخر ولا نفوت دفعة

كان رده باردآ : مفيش موظفين يختمولكوا الورق..خلاص كله مشي

احنا : طب فين المدير ممكن نكلمه ؟

هو : مفيش مدير ولا موظفين وريني مين موظف حيختملك !

يهديك ! يرضيك ؟ طب تاخد تنيك.....أبدآ..البيروقراطية و الروتين هما الأساس في الدولة المصرية

رجعنا طبعا للكلية خائبين الأمل عشان نعمل حسابنا نروح تاني يوم نختم ام الشهادة لقينا ان اللبوات لسة مخلصوش ورقهم مع اننا كنا عاملين حسابنا نخلص مشاويرنا كلها عالساعة 3...فضلنا مستنيين ورقهم يخلص عشان مينفعش نرجع اسكندرية و نسيبهم لحد الساعة 7 بالليل مع ان الكلية بتقفل 3 و مكانش فيه أي طلبة غيرنا...طبعا السواق كان كفر من اليوم انا مقولتلكوش ان تخلله العديد من الخناقات و الضرب و الشتيمة و السب سواء من الشباب او البنات مع بعضهم بس كل ده برة عني انا كنت قاعد علي تويتر بسب و بلعن في نفسي عشان وافقت آجي مع الشخصيات دي..و كل البنات كشروا و اللي قعدت تعيط عشان ورقها مش بيخلص و اللي شالت قناع الحياء و قعدت تشخط..المهم كلهم ورقهم خلص من جوا الكلية و ظبطوا مدير الكلية بفلوس مش حيحتاجوا يروحوا القاهرة تاني و بت راحت تتعولق عليه شوية خلاها تدفعله 25 جنيه بدل 80 زي باقي الراشين المحترمين

عادي..اللبونة بتتحسب رشوة :)

اول ما خلصوا ورقهم و راجعين اسكندرية فرحانين..بدأت أحس بإشمئزاز جدآ..كل مشاكلهم في العالم انتهت و قعدوا يغنوا و يصهللوا و يرقصوا و انا قاعد يا عيني عليا ناعي هم اوصل اسكندرية احجز قطار لتاني يوم الصبح

كــــــــل ده كوم و عدي زي ما عدي علي خير

بس أروح القاهرة تاني يوم ألاقي الراجل اللي قالنا : مفيش موظفين يختمولكوا الشهادات !

هو اللي معاه ختم النسر و ختمهالي تاني يوم !!!!!

طب بذمتكوا أقول ايه ؟

نبؤة الدجالة و شعوذة مبارك .. بين الحقيقة و الخداع !!!

لنعود إلي خلف بالذاكرة التي أصبحت ممتلئة بالعديد من الأحداث التي من كثرتها لا نتذكر من قال لمن ماذا ثم ماذا حدث لمن قال الماذا

أتذكرون عمر سليمان عندما قال ان الشعب المصري غير مؤهل للديموقراطية ؟؟

عندما جاء موعد الاستفتاء الشهير و عليك ان تختار بين نعم و لا ... الناس تحدثت كثيراً عن الخطر الداهم إذا قلنا لا و ناس تحدثت الخراب الذي سيحل بالبلاد إذا قولنا نعم  و ناس افتعلت اكاذيب و اناس استغلت الجهل و اناس استغلت الدين حتي وصل إلي حد التكفير و التخوين و هنا كانت بداية الفرقة بين صفوف الشعب المتوحد في ذاك الوقت .... ما علينا من كل هذا الهراء فسواء كانت الاجابة بنعم أو لا فالبيان الدستوري قد أغلق جميع الأفواه و اصبح هو ما تسير به البلاد و ليذهب إلي الجحيم الاستفتاء العظيم

و لكننا قد تفرقنا في أول خطوة مهمة و اصبح بعض الناس يشمئزون من الذين قالوا لا و العكس صحيح أيضاً إلخ

ما معني التفرقة دون جدوي و ذلك في وجود البيان الدستوري الذي لا يبالي بما اختاره الناس ؟؟؟؟

هل مجرد إثبات اننا غير مؤهلين للديموقراطية و ان التفرقة بين الشعب هو المصير الوحيد حين محاولة استخدامها ؟؟؟؟

أتذكرون حسني مبارك ؟؟؟ اتذكرون أقواله في أيامه الأخيرة معنا ؟؟؟ 

أتذكرون عندما قال مبارك ان علينا الاختيار ما بينه و بين الفوضي ؟؟؟

بالطبع نحن لم نختار حسني مبارك بالتالي فهو قدر اننا اخترنا الاختيار الثاني آلا و هو الفوضي

حتي الآن الامن ما زال متخاذل و وزارة الداخلية لا زالت غير مفهومة فهناك تعذيب و شتائم و ترقيات و مرتباتهم زادت  و مع ذلك لا يقومون بعملهم علي أكمل وجه بل يتخاذلون فيه !!!! ما معني هذا ؟؟؟؟ لقد أطلقوا علينا المساجين في أيام الثورة الأولي و حتي الآن لم يتم القبض عليهم جميعاً و حتي الآن الشرطة متكاسلة متخاذلة .... هل هي الفوضي التي تحدثت عنها يا مبارك ؟؟؟؟

إنها لم تحدث بأيدي الثوار الأشراف ... هذا حدث تحت يد وزارة الداخلية و من فيها من قيادات فهم اخرجوا المساجين و هم الآن يتقاعصون في تأدية دورهم ... و يعلم الله ان الثوار لا يرضون بالفوضي بل انهم أحب الناس للنظام بدليل ان يوم 25 يناير كان مخطط له و كان في يوم معلوم تاريخاً بالتحديد لدي الجميع 

أتذكرون حسني مبارك عندما قال انه يريد أن يترك الحكم و لكنه يخاف من الإسلاميين و الإخوان المسلمين من الانقضاض علي الحكم ؟؟؟؟  

ألا ترون معي ان النبوءة تتحقق بالحرف الواحد ؟؟؟؟

ان الاخوان المسلمين ينحازون بطريقة مريبة إلي المجلس العسكري و يحبونه حباً جماً و المجلس العسكري أيضاً يبادلهم الحب و المغازلة بعدما كانوا فزاعة في عهد مبارك الذي خرج منه هذا المجلس الموقر 

الاخوان يصعدون إلي قمة الهرم بسرعة عجيبة و المجلس العسكري موافق علي كل تصرفاتهم و ينالون الرضا السامي بجدارة

ان المدونيين و النشطاء و الثوار يتحولون إلي المحاكم العسكرية و يتم صعقهم و ضربهم أحياناً و قض اعتصاماتهم و قد أصر المجلس العسكري علي عدم وقف المحاكمات العسكرية و استمرارها ... في حين اقروا ان مبارك لن يحاكم عسكرياً ... رغم ان فريد الديب محامي حسني مبارك صرح بأن مبارك يأخذ معاشاً شهرياً بالشئ الفولاني و هو معاش عسكري علي كل نجمة حاصل عليها حسني مبارك .. أتكافئونه عسكرياً و تحاكمونه مدنياً ؟؟؟

بأي عقل و أي منطق و أي عدل ؟؟؟؟؟؟

هل هو انتقام مبارك الجبار يحل بالثورة و الثوار ؟؟؟

حيث يعيشون  غير آمنين و يحاكمون عسكرياً و تظل الشرطة بوقاحتها و لا يتم الأخذ بمطالبهم التي ثاروا من أجلها منذ أول شهر في السنة !!!

هل تتحقق نبوءات مبارك بالحرف الواحد ؟؟؟؟؟؟

 هذا الفيديو  مدته ثواني معدودة و كلنا نعرفه جيداً أرجو سماعه و لكن التركيز فيما ورد به ثم متابعة المقال

.

.

لقد قــــرر ........... و كـــلــف المجلس الأعلي للقوات المسلحة لإدارة شئون البلاد ؟؟؟؟؟؟

جملة فعلية عادية جداً... أفعالها هي قرر و كلف  ... و الفاعل هو ؟؟؟ حسني مبارك طبعاً 

هو من قرر ذاك و هو من كلفهم بذلك بكامل إرادته لإنه لو كان المجلس هو من قام بنزع السلطة عن مبارك عنوة ما كان يأتي علينا عمر سليمان و الراجل اللي واقف وراه بهذا البيان و كان قاله احد افراد المجلس و بصيغة أخري مختلفة

و لكن مبارك قد كلفهم بذلك شخصياً و رسمياً  و سلمهم البلاد تسليم أيادي ....  ثم يأتي لنا اللواء محسن الفنجري بإصبعه الشهير ليحذرنا من القفز علي السلطة ...

ألا نزال نسأل لماذا تتحقق النبوءات المباركية ؟؟؟؟؟؟

* لـــحــظـــة مـــن فـضــلــكــم * !!!!؟؟؟؟!!!!!؟؟؟؟!!!!!!!؟؟؟!!!! 

هناك مقالة قد نشرها بلال فضل عن دجالة كان  لمبارك صلة بها و قالت له يوماً ما : السنة التي سوف تعين نائباً لك فيها ... هي السنة التي سوف تموت فيها و لذلك لم يعين نائباً له طواال 30 عاماً ولا حتي ابنه جمال .. و عندما حدثت الثورة قرر انها نهاية المطاف فليهرب من الخزي و العار و اللعنة التي ستحل به و عين نائباً له و هو عمر سليمان 

و بعد الأخبار الجديدة التي تصلنا الآن و الموقف المهم للمجلس العسكري التي تحتم تصوير المحاكمات علنياًخصوصاً للعادلي و اعترافاته من بعد اعترافات مبارك عليه ... وصلنا من فريد الديب ان مبارك دخل في غيبوبة تامة اليوم

18 يوليو 2011  

و تصلنا أيضاً أنباء عن قلب مبارك الذي توقف لمدة دقيقتان و الذي نشر الخبر هو الصحفي ابراهيم عيسي و قال العقيد عمر  عفيفي و أكد عليه ابراهيم عيسي انباء عن ربـــمـــا نسمع خبر موته الذي  سيتفرج عليه بنفسه معنا

علي قنوات التلفزيون هو فعلاً في السنة التي عين نائباً له فيها كما قالت العرافة في المقالة ؟؟

و الآن هو يتنقل من مستشفي لأخري و صحته لا تسمح بالوجود في مكان عادي ؟؟؟  منذ سماعه لخبر حبسه احتياطاً ؟؟؟؟

ربما لا يحدث هذا لإن موعد الموت لا يعرفه سوي الله سبحانه و تعالي و ربما يكون هذا كله معناه اختفاؤه عن الساحة أو موته سياسياً و لذلك 

عــفـــواً أيــهــا المجلس الــمــوقـــر ... فــأنــا لا أصدق العرافين و المتنبئين 

فقد قال رسول الله صلى الله عليه وسلم ...  كذب المنجمون ولو صدفوا .

و الـــســـلام عــلــيـــكــم و رحـــمــة الله و بـــركـــاتـــه

فلتزأر العــاصــفــة - لكل محبي الشتاء و كارهينه أيضا

ملحوظة  : تدوينة قديمة تم نشرها في  12 ديسمبر 2010

آتتني في الحمام....

نعم جائتني في الحمام......لا أخجل من قول هذا أن فكرة كتابة هذه السطور جاءتني في الحمام ((تحت الدش)) 

لكم من مرة جاء أحد أصدقائي في ليالي الصيف العزيزة ليقول : يااااه إمتي الشتا ييجي ..إسكندرية زي الزفت في الصيف انما في الشتا رووعة و أحلي حاجة انها بتكون فاضية و بتاعتنا و بننزل براحتنا.

ردي الطبيعي يكون علي غرار : " هممم آه ممكن برضه "       معك الحق في كلامك فزحام المواصلات و الجو الحار و وجود (القرويين و المزارعين و المصيفين...إلخ) بالتأكيد يثير حنقي كما يثير حنقك...لكن تعال معي لحظة و انظر من منظوري الشخصي لإن كل من أعترف له برأيي يراني مخطئا لا أستحق نعمة "إسكندرية" اللي أنا منها مع اني والله اسكندراني جدا و فخور بكدة

ما الجميل عندما تري جميع الشوارع غارقة كفينيسيا -ليس من المطر- بل من طفح المجاري المعروف عن مصرنا العريقة

البرد القارس الذي أصبح كطقسا مفروضا علينا في دور أنفلونزا لمدة تقارب الشهر و نص و أكثر عند بعد الأصدقاء

طبعا الشوارع غرقانة...لابد من المشي علي الرصيف تحت البلكونات لتحميني من المطر اللي بيغرق الهدوم و انا رايح-الكلية-الشغل-المدرسة فأكون ماشي في أمان الله حين ((تششش)) !!!! سيارة محترمة بسائق محترم تلقي التحية علي جميع المارة علي الرصيف !

كل ده جميل و ممكن نستحمله ..إلبس تقيل و هات شمسية و اركب مشروع و عيش حياتك..

تعودت علي توقع الأسوأ و من الممكن ان تري منظر الإسكندرية هذا الشتاء و كمية البهدلة اللي حصلت للشوارع...

كيف أتمشي علي البحر في حين سور البحر كله متساقط علي الأسفلت...من الصعب أن تذهب لمشوارك دون أن تتأخر حيث السكة واقفة فيستغرق مشوار نص ساعة في الصيف إلي ساعة و نصف في الشتاء خصوصا ان كنت ساكنا في منطقة شعبية من تلك التي تعاني إهمال حكومي واضح و أرجح إنه مقصود.

لا أدري سبب كتابتي هذه السطور أساسا ربما لإنه كان من المفترض ان أذهب للكلية و لم أذهب لسوء الأحوال الجوية فأنا أشعر بالملل (فقولت اتسلي شوية) ..لكن بيني و بينكم..أخدتها فرصة إني أعلنها بكل صراحة : أنا أكره فصل الشتاء !!

عدد غير متوقع من النوات علي مدار العام و كل ما تسأل يقولك : آآه دي نوة عوة اللي مفيش بعدها نوة و الجو بكرة يبقي حلو بإذن الله ...... يا عم ماشي ! يوم-يومين و الجو بقي حلو ساقعة بس محتملة و نيجي علي بالليل نتكلفت في البطانية و ننام..

أصحي تاني يوم ألاقي الشوارع غرقت تاااااااااني و نفس السيناريو و أحيانا كل مرة بيكون ألعن من الأول..أقوم لابس هدومي متسلحا ببنطلونين فوق بعض علي كام تيشيرت و إن كان بإمكاني للبست أكثر من جزمة هرباً من قضمة الصقيع و نزلت أدور عالراجل بتاع عوة ده ألاقيه في مكانه و يقولي : لااا الظاهر إن دي كانت طوبة اللي تخلي العجوزة كركوبة و مش عارف ايه كدة.. و كل سنة و انت طيب بقي أهي كلها اسبوعين و الجو يبقي زي الفل" لا يمنعني من لكمه إلا عدم إحساسي بأطرافي و إن الضرب لن يشعره بشيئ حيث الجو كله "متبنج"

فأعود لبيتي خائب الأمل منتظرا النوة القادمة .....

هناك مثل مشهور عن بوذا يقول فيه : "فلتزأر العاصفة" ...فيما قيل عن بوذا إنه كان إبن عز و متدلع لكنه زهد و رجع بتعاليمه البوذية المعاصرة لكني أرجح انه قال الجملة دي بعد ما رجع لبيته و الراحة اللي  هو كان فيها فإن لم تزأر العاصفة و هو في بيته جنب الدفاية لكان يهرول لاطما في الشارع كالأرملة عند إخبارها : جوزك مسابلكيش حاجة تورثيها و كمان عليه ديون !

لهذا السبب جاءتني الفكرة في الحمام تحت الدش حيث أنا منعم مدفأ اسمع زئير العاصفة من الخارج و أشعر : يالهم من بؤساء...علينا تشجيعهم بجمل تحفيزية مثل : فلتزأر العاصفة.....مهما كانت النتيجة سيبها تزأر يا صاحبي و ميهمكش:]

لكل أصدقائي محبين الشتا : إلــبــســـــــووووا    (( إلبسوا هدوم تقيلة عشان ميجيلكمش برد في الشتا الجميل))

لطالما إستغرب أصدقائي من آرائي في أشياء عدة كالشتاء .. و مثال آخر السباحة عندما أقول لواحد صاحبي : "لا مبعرفش أعوم".....يندهش..يبتسم...يضحك...ثم يصرخ " شفت آنااااااااااصر عصام طلع مبيعرفش يعووم ..فيه إسكندراني مبيعرفش يعوم يا جدع انت !!! "  و يرد ناصر أو حسني أو أيا كان بنفس التعبيرات السابقة بنفس الترتيب !

من وجهة نظري فأنا : فعلا مبعرفش أعوم...محدش علمني و مجاتش مناسبة إني أتعلم ايه المشكلة ؟؟

منذ كان عمري 9 سنوات و أنا قابع أمام شاشة بلاستيكية و عالم خاص يسمي الكمببوتر و لم تأتيني فرصة للتعلم..و هل السباحة بالفطرة الإسكندراني ؟

كان هذا مثال عن إختلاف رأيي مع غيري بالنسبة للسباحة مثالا لحبي للشتاء ...فأن كنت ممن عندهم مشكلة في غرباء الأطوار الذين يمقتون الشتاء و لا يستطيعون السباحة (رغم إنه إسكندراني) فبأسهل وسيلة يمكنك عمل Remove  لبروفايلي من أكاونت الفيسبوك الخاص بك و لا تقلق...مش زعلان منك :]

أكتب لكم هذه السطور من تحت اللحاف بعد دش دافئ في انتظار وجبة الغداء....و لكل من يعاني بالخارج أقول له " لا تقلق...فلتزأر العاصفة "